Les mots surlignés font l'objet d'une note
1Monsieur, pour ce que ma femme vautz mieus que moy, ce dytes voz,
2cela voz vautz hun levraut que elle voz envoye, et fuz prins
3yer acompagné de son semblable, mès je guardois l’autre
4pour la fame que vautz tant, laquelle ce treuve byen mal
5et moyns, suys-je dez bons marys car je vodroiz avoyr
6son mal, encore qu’elle aye de grans dolleurs et cy ne
7peutz avoyr repoz, mès j’espère que Dyeu luy aydera
8cyl luy plet, auquel je prye
9Monsieur, voz tenyr en bonne santé et longue vye, me
10recomendant très humblement à voz bonnes grâces, ma
11pauvre mallade et ma mère voz suplye resevoyr les leurs
12très humbles. De Vyfz, à votre meson, ce XVIIe juilletz
131572
14Votre très humble et hobeyssant
15serviteur
16Laval
17Monsieur, je suys grandementz marry de mal de monsieur le presydent Truchon
18et touz ce pays feroys hune grand perte, mèz cyl estoyt aincy, je
19vodrey byen qu’il me contat bonne chose et que monsieur Bellièvre
20hut son estat et me samble que cy son frère estoit averty quil
21pourroys aysément satisfayre à sela le cas avenant.